“Lagoa Ki’ik” Hafutar Estrada Protokolu ·
Ossu-Viqueque Grave Liu
Iha tempu okupasaun Indonesia nian. Timor konhesidu ho lagua tolu deit. Lagoa boot mak Tasi Tolu, Iralalaro no Lagoa ki’ik Badumori-Bercoli, Baucau. Maibe, ikus-ikus ne’e lagoa ki’ik barak mak mosu no hafutar iha liuron (estrada) protokolu iha distritu 13 nia laran.
Ironia
tebes, iha tinan 11 Timor restaura hikas nia ukun rasik an (20 Maiu 2002-20
Maiu 2013), Parlamentu aprova orsamentu biloens ba biloens, maibe kondisaun
estrada protokolu ne’ebe liga nasional ba distritu “agrave’ liu. Seidauk tan
estrada sira husi distritu ba sub-distritu, suku no aldeia. Perigu tebes.
Iha
tempu udan monu rai, estrada protokulu sira ne’e bele dehan, mosu lagua ki’ik
barak tebes hafutar estrada laran tanba tanba bee naluhun avintade iha ko’ak
sira iha estrada laran.
Ministru
Obras Publiku (MOP), Gastão de Sousa, Segunda (13/5), senti duni relaidade ida
ne’e, tanba iha nia vizita ba Distirtu Viqueque sempre infrenta ku’ak barak iha
estrada laran no be naluhun iha estrada ku’ak sira ne’e hanesan lagoa ki’ik
oan.
“Ita
tenke rejolve kondisaun sira ne’e, liu-liu estrada husi Ossu ba Viqueque,”
informa Gastão Sousa ba jornalista iha Viqueque Vila.
Ministru
Gastão Sousa, informa katak, nia poarte aselera ona kontratu ho kompanha joint
venture WAKA ho Modena atu hadi’a lalais kondisaun estrada
Ossu-Viqueque.
Gastõo
ho diplomasia aprofunda katak, atu ekonomia la’o diak, maka estrada tenke diak.
Tanba ne’e, nia parte haruka ona ekipamentus pezadus IGE (Instituto Gestão do
Equipamento) halo destakamentu iha Viqueque hodi bele atende ateru
estrada husi Ossu ba Viqueque no liu ba Uatocarbau hodi hakur ba
sub-Distritu Iliomar, Distritu Lautem.
Kona
ba lagoa ki’ik aaon sira ne’ebe hafutar iha estada protokolu Baucau nian,
Gastão hateten, husi parte Baucau mai sub-Distritu Venilale balun aat ne’ebe
sei bele haree. Aat liu mak Ossu ba Viqueque ne’ebe tenke rezolve iha tempu
badak nia laran.
Iha
fatin hanesan, Xefi Suku Afaloicai, sub-Distritu Uatolari, Constantino
Guterres, hateten, estrada ne’e importante ba movimentu ekonomia povu ki’ik
nian, tanba ne’e mak kaundu estrada la diak, maka sei halo paralizadu total
povu nia rendimentu.
“Governu
presiza tau atensaun atu bele rezolve lalais kondisaun estrada sira ne’e, la’os
Ossu ba Viqueque deit, maibe estrada iha teritoriu Timor tomak,” afirma
Constantino Guterres.
